Back to Khristu Mu Nyimbo List Khristu Mu Nyimbo #189

Hymn 189 Tilibe Mzinda M’dzikoli

[V1]
Tilibe mzinda m’dzikoli
Wolimba, wokhalitsanso;
Komatu tikondwera ’fe,
Tifuna mzinda udzawo,
Tifuna mzinda udzawo.

[V2]
Tilibe mzinda m’dzikoli,
Wolimba, wokhalitsanso;
Tifuna wina m’mwambamo,
Wowala ndi wosathanso,
Wowala ndi wosathanso.

[V3]
Ee, malo a mtenderewo,
Otopawo apumako!
Ndikhala ndi mapikowo,
Ndikadaulukirako,
Ndikadaulukirako.

[V4]
Tonthola moyo wanga ’we,
Adziwa nthawi Mlunguyo;
Ndichite ntchito yakeyo,
Apatsa ’ne mpumulowo,
Apatsa ’ne mpumulowo.

189. Tilibe Mzinda M’dzikoli

Link copied to clipboard successfully!