Hymn 168 Fumu Ndiyo Mliska

[V1]
THE LORD IS MY SHEPHERD

**1.**
Fumu ndiyo mliska ntha nd'ngasauka,
Nkhurya m'maruhari ghak'teketera,
Wakundirongozga k'maji ghaweme,
Wakundipa mphavu na kundithaska.

**2.**
M'chinkhwawu cha m'nkhorwe wa nyifwa nd'ngenda,
Imwe muli nane ndopenge chara,
Nthonga yinu na ndodo vikund'khozga,
Palije chiheni chingandiwira.

**3.**
Pamaso pa m'rwani mwanozga kurya,
Nkhombo yazura na vitumbiko fwa!
Mutu wane mwaphakazga mafuta,
Kasi ndingafumbachiso kwa imwe?

**4.**
Nadi uweme na lusungu lwinu,
Vindirondezgenge mpaka kuchanya,
Ndende m'nthowa wasekuru wakenda,
M charu ichi mpaka nkhanjire kura.