Hymn 59 Yesu Mkunditemwa

[V1]
JESUS LOVER OF MY SOUL

**1.**
Yesu mukunditemwa, mu chipakato chinu,
M'nditaske ku vimphunga na visuzgo vya mtima,
M'ndivikilire Yesu, kumayigha ghakofya,
Fiskani mtima wane kuphota la kuchanya.

**2.**
Mphonokwa ndilive 'mwe, nkhukwapirana namwe,
Lekani kundisida, m'ndikhozge m'ndisangwiske,
Nkhumugomezgani 'mwe, movwiri wane ndimwe,
Mutu wane m'wudike phapindo la uchizi.

**3.**
Nkhukhumba imwe pera, kundikhuska m'kuruska,
Ndamtechi, ndamurwari, nda chinthuru muchizge,
Ndimwe watuwa nadi, ine ndiri muheni,
Wezi, 'nenesko n'vyinu, ine ndiri wa waka.

**4.**
Muna lusungu lose, mungandigowokera
Maji ghamoyo ghize, ghanditozge mu mtima,
Mbwiwi yenecho ndimwe, ndimwengeko kwa imwe
Yibwibwituke mwane lero na kunthazi sWi!