Hymn 64 Botša Jeso

[V1]
ARE YOU WEARY?

A 'o tennwe, pelo e bohloko?
Tsebiša Jeso, tsebiša Jeso;
A 'o swabile o hloka lethabo?
Tsebiša yena Jeso;

**Pušološo:**
Jeso, Tsebiša Jeso
ke mogwera 'potego,
Ga go mogwera goba ngwaneno,
tsebiša Jeso fela;

O palelwa go thiba megokgo?
Tsebiša Jeso, Tsebiša Jeso
A 'o na le dibe tše fihlilwego?
Tsebiša yena Jeso;

A 'o tšhaba maswabi a tlago?
Tšebisa Jeso, tšebisa Jeso,
A 'o fešegela tša ka moso?
Tšebisa yena Jeso;

O tshwenywa ke kgopolo ya lehu?
Tšebisa Jeso, tšebisa Jeso,
A 'o kganyoga mmušo wa Jeso?
Tšebisa yena Jeso;