Ulo-Thixo Omkhulu

Ulo-Thixo Omkhulu, ngosezulwini.
Unguwena, Wena, Khaka lenyaniso.
Unguwena, Wena, Nqaba yenyaniso.
Unguwena, Wena, Hlati lenyaniso.
Unguwena, Wen' uhlel enyangweni.
Ulo 'dal' ubomi, wadala phezulu.
Lo-Mdali wadala wadala izulu.
Lo-Menzi wenkwenkwezi nozilimela.
Yabinza inkwenkwezi, isixelela.
Lo-Menzi wemfama uzenza ngabomi.
Lathetha ixilongo, lisibizela.
uLongqin' izingela imiphefumlo,
Ohlanganis' imihlambi eyalanayo.
Ulo-Mkhokeli wasikhokela thina.
Ozandla zakho zinamanxeba wena.
Onyawo zakho zinamanxeba wena.
Ugazi lakho liyimikrozo yinina?
Ugazi lakho liphalalele thina.
Lemali enkulu-na siyibizile?
Lowomzi wakho-na siwubizile?